EMIGRAMOS DO BLOGSPOT

 

EMIGRAMOS DO BLOGSPOT

Dende o 13 de xuño de 2012 o blog de autor oscardesouto en blogspot ten xa telas de araña debido a que emigramos a blogaliza. Son varias as razóns e motivos de peso desta mudanza pero cecáis a máis importante e que falamos o mesmo idioma e tamén trátannos moi ben en blogaliza, un trato de galego a galego, son moi amables e coidadosos, ademáis saben que somos dun País chamado Galiza e ata temos un portal dixital e un foro, o blogomillo onde falamos no noso idioma,  e por iso ali seguiremos ..... loitando pola poesía en galego e loitando pola idiosincrasia galega e pola cultura GZ en xeral.

 Se nos queredes visitar deberedes buscarnos en http://trecepoemas.blogaliza.org/

Nista semana 134 visitas en trece poemas , novo record. 

O contador de visitas en oscardesouto de blogspot marca as visitas aos dous blogs pero suman moito máis aforo as entradas constantes ao blog colectivo de trece poemas que coloca xa o contador en 71.347 as visitas a este novo espazo literario de difusión cultural e poética de ámbito galego... especialmente. 

Na primeira semana de xullo de 2012 o contador dispárase (134 visitas) e batimos a nosa marca cun novo record de visitas que sitúa a trece poemas nunha posición de ventaxe en tódolos buscadores de internet. Mentres esmorece a editorial galega ortodoxa e os cículos pechados notan a crise debido a notábel ausencia de subencións i esmolas públicas ....fonte da que beben,  os círculos abertos toman o poder por asalto e fan forte barricada mediante recitais abertos e publicacións, libres e de calidade, coa contundencia dun sedento no deserto chega o tempo dos novos autores de poesía (real e valente) de costas o "sistema" e co respaldo firme do Pobo, único Señor ao que serven, e máximo expoñente da nova ciber-literatura nas redes. 

"Un home superior acepta sempre os acontecementos pra conducilos" (Honoré de Balzac) 

Xa que os portais colectivos dixitais literarios en Galiza están, coma sempre, latentes, pero en estado de coma, nós, trece poemas , aproveitamos o tirón para manter este portal ciber-literario de difusión no cumio dos buscadores de internet para maior gloria da poesía galega e do idioma galego. Seremos vagalume na noite e na pedra.

http://trecepoemas.blogaliza.org/2012/07/05/xullo-2012-poesia-galicia-actualidade/ 

Grazas polos vosos parabéns e apoios !!!! 

Vós sodes trece poemas !!!

Atentamente,

Óscar de Souto

POETAS DA FARSA

Enviado o 13 de Xuño de 2012

…. «exercen de bufóns nunha farsa máis próxima á politica que á poesía»…

Trece  poemas escolle iste artigo de Antón Tenreiro como mellor artigo do mes de xunio en 2012 en Galiza pola súa transparente descripción da situción actual da poesía galega.

Por Antón Tenreiro | Oleiros | 07/05/2012

Escoito moitas veces eso de que a poesía galega está nun dos seus millores momentos, loxicamente na parte da creación, pois no editorial, e no número de lectores, é ruinosa, pero aínda así, sinto non poder compartir esa afirmación, que por certo fan moitos dos máis coñecidos poetas nunha especie de corporativismo poético-patético.

Moitos dos máis recoñecidos poetas contemporaneos galegos, viven nunha especie de teatro absurdo, nunha pose estetica que lonxe de representar a verdadeira poesía, semella máis unha farsa sostentada polo lientelismo, as relacións, círculos pseudoliterarios, amiguismos politicos e outras monsergas que pouco ou nada teñen que ver coa poesía.

…..

…..

Esa poesía bebe dos millores e comprometese, non se abuchara diante de nada nin de ninguén e sae da letanía de sempre. Esa é a única e verdadeira poesía galega, porque ao final, so hai boa ou mala literatura, e esto non depende nin de encumbramentos de autores por simpatias politicas nin de burdas proclamas do gusto dos que manexan algun tipo de poder.

…

…

Seguimos lendo o artigo completo na súa fonte de orixe: http://galiciaconfidencial.com/nova/10396.html

...

Outro artigo de interese: http://mundogaliza.com/non-somos-parvos/

...

Óscar de Souto.

Unha vez máis un articulista valente móstranos a verdadeira face da literatura en Galiza ainda que lle carga o morto o nacionalismo galego cando todos sabemos que as culpas desta situación residen máis a dereita e bastante máis no cumio do que apunta Antón Tenreiro. O que si queda de manifesto indiscutiblemente e que as subencións públicas e o amiguismo caciquíl non serven para alzar ou realzar a poesia galega senón que son armas de control da opinión dos poetas que unha vez subencionados deben obediencia e respeto a man do seu dono como un can preso nunha cadea que soña con roer un oso ou comer unha pinga de touciño.  Dende trece poemas lembramos unha vez máis a importancia dos círculos abertos nacentes desta vella realidade que no presente loitan abertamente contra esta situación e lembramos que estes colectivos de poetas galegos non cobran subención, nin se deben a ningún amo, nin calan as verdades, recitan en pubs e bares e non sempre en auditorios, loitan a prol do pobo coa poesía por bandeira e as verbas son balas nas súas bocas brancas e azuis. Eles, os círculos abertos, son o amencer da longa noite de pedra.

Óscar de Souto – Director de Trece Poemas

 

 http://trecepoemas.blogaliza.org/2012/06/13/poetas-da-farsa/

….

POEMAS E CANCIONS NA HONRA DE CELSO EMILIO FERREIRO

Poemas e cancións celebrarán en Celanova o centenario de Celso Emilio Ferreiro

Os actos terán como invitados a Luis Emilio Batallán, a María de Ceo e a Luís González Tosar

Noticia de : C. Franco

Fonte: La Voz de Galicia - santiago /   11 de abril de 2012 05:00
Na foto sae Luis Emilio Batallán - A foto é de: R. Leiro
  .....

 http://www.lavozdegalicia.es/noticia/ocioycultura/2012/04/11/poemas-cancions-celebraran-celanova-centenario-celso-emilio-ferreiro/0003_201204G11P37993.htm
.

Unha gala, un concerto, un recital e mesmo un programa de televisión caberían na homenaxe que o vindeiro venres terá lugar en Celanova (auditorio municipal, 20.00) para celebrar o centenario do nacemento de Celso Emilio Ferreiro.

Recital, música e vídeo son os tres xéneros do acto que terán como invitados en vivo a Luís Emilio Batallán e a María do Ceo no musical e a Luís González Tosar no poético. Os dous primeiros recuperarán algunha das pezas de Celso Emilio gravadas por ambos cantantes en distintos momentos das súas carreiras.

A outra parte do acto servirá para contar coa intervención gravada de persoas en relación co poeta de Celanova, pero non só procedentes do mundo da cultura, senón tamén doutros ámbitos para demostrar, como asegurou o secretario xeral de Cultura, Anxo Lorenzo, a importancia de quen «participou na construción colectiva e social de xeito tan definitivo». Nos vídeos que se exhibirán poderase escoitar a xente do fútbol, como Míchel Salgado ou Fernández Vázquez, a Manuel Manquiña ou ao falecido Isaac Díaz Pardo. Unha mostra variada, segundo os organizadores, para explicar a relevancia de Ferreiro.

No mesmo sentido, Juan Carlos Fasero sinalou que Celso Emilio Ferreiro era o «máis cantado dos poetas galegos», unha opinión apoiada por Luís Emilio Batallán que comentou que a poesía de Celso Emilio «ten musicalidade de seu o que fai máis fácil cantala, son poemas moi musicables». Batallán explicou que coñeceu a Ferreiro en Madrid e que cantar os seus poemas en Celanova supón para el «unha honra». Pola súa banda, María do Ceo apuntou que cantaría nesta homenaxe dúas pezas das que gravou no disco No bico un cantar sobre poetas de Celanova, María Soliña e Moraima, de Celso Emilio.